કચ્છને નર્મદાના વધારાના ૧ મિલીયન એકર ફિટ પાણીની કામગીરી ૨૦૨૫ સુધી પૂર્ણ થશે

 જિલ્લાની ૧.૭૨ લાખથી વધુ હેક્ટર વિસ્તારને સિંચાઈનો લાભ મળશે: ભૂપેન્દ્ર પટેલ સરકારે દોઢ વર્ષમાં આપી બીજી વહીવટી મંજૂરી :  કચ્છના પાણીકારણ માટે રાહત આપતી જાહેરાત  

ભુજ : રાજ્ય સરકાર દ્વારા તાજેતરમાં કચ્છમાં નર્મદાના વધારાના એક મિલિયન એકર ફીટ પાણીના સધર્ન અને નોર્ધન લિંક કેનાલના કામો માટે રૂપિયા રૂ.૨,૩૦૪.૯૨ કરોડની વહીવટી મંજૂરી આપી છે. દરમિયાન જળ સંપત્તિ અને પાણી પુરવઠા મંત્રી કુંવરજી બાવળીયાએ જણાવ્યું છે કે, કચ્છને નર્મદાનું વધારાનું ૧ મિલીયન એકર ફિટ પાણી વર્ષ ૨૦૨૫ સુધીમાં આપવાની કામગીરી પૂર્ણ થશે. તેના લીધે અંજાર, મુન્દ્રા, માંડવી, ભુજ, નખત્રાણા, લખપત, અબડાસા, અને રાપરના ૧૩૦ જેટલા ગામોના અંદાજે ૧.૭૨ લાખથી વધુ હેક્ટર વિસ્તારને સિંચાઈનો લાભ મળતો થશે. જળ સંપત્તિ મંત્રી કુંવરજીભાઈએ વધુ વિગતો આપતા જણાવ્યું હતું કે, મુખ્યમંત્રી ભૂપેન્દ્રભાઈ પટેલના માર્ગદર્શનમાં જળ સંપત્તિ વિભાગ દ્વારા અગ્રીમતાના ધોરણે આ કામો હાથ ધરાશે. તબક્કા-૧ ના કામો માટે ટેન્ડર પ્રક્રિયા પૂર્ણ કરી દેવાઈ છે અને કામગીરી પ્રગતિ હેઠળ છે જ્યારે તબક્કા-૨ ના કામો માટે ટે‍ન્ડર મંગાવવામાં આવ્યા છે. જે કામો ટૂંક સમયમાં શરૂ કરાશે. કચ્છના ખેડૂતો-પ્રજાજનોની લાંબાગાળાની લાગણી-અપેક્ષા સંતોષવાનો મુખ્યમંત્રીએ દ્રષ્ટિવંત અભિગમ દાખવ્યો છે જેના પરિણામે જળાશયોમાં આ નર્મદાના નીર પહોચવાથી ભૂગર્ભ જળ ઊંચા આવશે. બોક્સ 1 : પહેલા તબક્કામાં ૨૫ સિંચાઇ યોજનાઓમાં પાણી ભરવામાં આવશે પહેલા તબક્કામાં મંજૂર થયેલા 4369 કરોડના સધર્ન લીંક અને હાઇક‍ન્ટુર સ્ટોરેજ લીંકથી અંજાર, મુંદ્રા, માંડવી અને ભુજ તાલુકાની ૨૫ સિંચાઇ યોજનાઓમાં પાણી ભરવામાં આવશે જેનાથી આ તાલુકાના ૪૭ ગામના ૩૮,૮૨૪ હેક્ટર વિસ્તારને લાભ મળશે. નોર્ધન લીંકથી અંજાર, ભુજ અને નખત્રાણા તાલુકાની ૧૨ સિંચાઇ યોજનાઓમાં પાણી ભરવામાં આવશે જેનાથી આ તાલુકાના ૨૨ ગામના ૩૬,૩૯૨ હેક્ટર વિસ્તારને સિંચાઈનો લાભ મળશે. જ્યારે સરાણ લીંકથી રાપર તાલુકામાં સારણ જળાશયમાં પાણી ભરવાથી રાપર તાલુકાના ૮ ગામના ૨૯,૦૦૦ હેક્ટર વિસ્તારને સિંચાઈનો લાભ મળશે. આ કામગીરી વર્ષ ૨૦૨૫માં પૂર્ણ થતાં કચ્છ જિલ્લાના અંજાર, મુન્દ્રા, માંડવી, ભુજ, નખત્રાણા અને રાપર મળી કુલ છ તાલુકામાં ૩૮ સિંચાઇ યોજનાઓમાં પાણી ભરવામાં આવશે જેનાથી ૭૭ ગામના ૧,૦૪,૨૧૬ હેક્ટર વિસ્તારને સિંચાઈનો લાભ મળશે એમ પાણી મંત્રી બાવળિયાએ જણાવ્યું હતું. બોક્સ 2 : બીજા તબક્કામાં નખત્રાણા, લખપત અને અબડાસા તાલુકાની ૨૮ સિંચાઇ યોજનામાં પાણી ભરાશે જળ સંપત્તિ અને પાણી પુરવઠા રાજ્ય મુકેશ પટેલે વિગતો આપતા જણાવ્યું હતું કે, બીજા તબક્કા હેઠળની રૂ.૨,૩૦૪.૯૨ કરોડની કિંમતે બે ઉદ્દવહન પાઈપલાઈનોની કામગીરીને વહીવટી મંજૂરી આપવામાં આવી છે. જેમાં સધર્ન લીંકથી માંડવી, નખત્રાણા, લખપત અને અબડાસા તાલુકાની ૨૮ સિંચાઇ યોજનાઓમાં પાણી ભરવાથી આ તાલુકાના ૨૮ ગામના ૩૬,૫૧૪ હેક્ટર વિસ્તારને સિંચાઈનો લાભ મળશે. ઉપરાંત નોર્ધન લીંકથી નખત્રાણા અને લખપત તાલુકાની ૧૩ સિંચાઇ યોજનાઓમાં પાણી ભરવાથી આ તાલુકાના ૨૫ ગામના ૩૧,૬૮૧ હેક્ટર વિસ્તારને સિંચાઈનો લાભ મળશે. આમ તબક્કા-૨ની કામગીરી પણ આગામી વર્ષ ૨૦૨૫માં પૂર્ણ કરીને માંડવી, નખત્રાણા, લખપત અને અબડાસા મળી કુલ ચાર તાલુકાની ૪૧ સિંચાઈ યોજનાઓમાં પાણી ભરવાથી ૫૩ ગામોના ૬૮,૧૯૫ હેક્ટર વિસ્તારને સિંચાઈ સુવિધાનો લાભ મળશે. તબક્કા-૨ની કામગીરી માટે ટેન્ડર મંગાવવામાં આવ્યા છે.

ભાવિન વોરા, 11 ઓગસ્ટ 2023

Comments

Post a Comment

Popular posts from this blog

21મી સદીમાં કચ્છ : પાણી, પ્રવાસન અને ઉદ્યોગીકરણ, પુસ્તક પ્રતિભાવ 1

Image
21મી સદીમાં કચ્છ : પાણી, પ્રવાસન અને ઉદ્યોગીકરણ પુસ્તકના પ્રતિભાવો વાચકો દ્વારા મળવાના શરૂ થયા છે.   જે તબક્કાવાર અહીં રજૂ કરવામાં આવશે.  1.   ભાતીગળ ભોમકાનો ભલીભાંતિ ભેરપો   ભાવિનભાઈ વોરા તરફ હંમેશા આદરની લાગણી રહી છે. કચ્છમિત્રથી પત્રકારત્વનો પ્રારંભ કરનાર ભાવિનભાઈએ સાંપ્રત સમયના કચ્છનું દર્પણ પેશ કર્યું છે ' ૨૧મી સદીમાં કચ્છ : પાણી, પ્રવાસન અને ઉદ્યોગીકરણ'  પુસ્તકમાં. પત્રકારત્વમાં એમ. ફિલ. કરનાર ભાવિનભાઈ વતનપ્રેમમાં કલમને ઝબોડી કચ્છની સમસ્યાને, કચ્છની વિશેષતા આલેખે છે, ભાવિ દિશાદર્શન કરાવે છે અને તે પૂરી સજ્જતા અને અભ્યાસ સાથે ! ચાર વિભાગમાં ૧૨૭ પ્રકરણોમાં ૩૨૮ પૃષ્ઠો પર વિસ્તરેલા આ પુસ્તકમાં એમણે કચ્છના વર્તમાન મુદ્દાને પકડી તેને પૂરી નિસબત અને નિયતથી ન્યાય આપ્યો છે. કચ્છની પીડાને વાચા આપવામાં ક્યાંયે પાછીપાની કરી નથી તો અલબેલા કચ્છને પોંખવામાં એમની કલમ હરખભેર ઝૂમી ઊઠી છે. બે દાયકાના દસ્તાવેજીકરણના સ્તુત્ય કાર્યને આપણે વધાવીએ.      ભાવિનભાઈને ઉજ્જવળ ભવિષ્ય માટે શુભકામના સાથે અશેષ અભિનંદન !!  *સંજય પી ઠાકર* અભ્યાસુ અને લેખક ભુજ 2...
Read more

ભૂકંપે અચાનક લોકોના પ્રાણ હર્યા અને કોરોનાએ પ્રાણ-વાયુ વિના

કચ્છીઓ અને બૃહદ કચ્છીઓ આફત અને અવસરની વ્યાખ્યા સારી રીતે જાણે છે પણ બિમારીમાં ભરોસો ભારે પડયો 2001 નો ધરતીકંપ અમુક સેકન્ડ પૂરતો હતો , અમુક સમય પાછોતરી અસર હતી જ્યારે કોરોના મહામારીના વાયરામાં સાવચેતીનો અને આરોગ્ય સુરક્ષાનો સમય મળ્યો પણ આપણે ચૂકી ગયા #CORONA #EARTHQUACK #KACHCHH #OXYGEN ૨૬મી જાન્યુઆરી ૨૦૦૧ , કચ્છ અને બૃહદ કચ્છીઓના માનસપટ પર અંકિત થઈ ગયેલો દિવસ છે . આ કુદરતી આફત વૈશ્વિક સ્તરે ભૂલાવાની નથી અને કચ્છની ઓળખ જ ભૂકંપીય જિલ્લા તરીકે થઈ ચૂકી છે ત્યારે કોરોનાએ બે દાયકા પહેલાની મહામારીનો ઉંડો આઘાત યેનકેન પ્રકારેણ માનસપટ પર લાવી દીધો છે . ભૂતકાળને યાદ કરીને દુઃખી ન થવું જોઈએ તેમ મનોવિજ્ઞાનીઓ અને મોટિવેશનલ સ્પીકર્સ કહેતા હોય છે . પણ , કચ્છના પરિપ્રેક્ષ્યમાં વાત કરીએ તો , આપત્તિ અને અવસરની રાજકીય નહીં પણ વાસ્તવિક વ્યાખ્યા સમજતા કચ્છી માડુને ફિનિક્સ પંખીની માફક ઉભા થવાની ટેવ છે . ભૂકંપ બાદ કલ્પનાતીત વિકાસ સંભવ બન્યો પણ ૧૮ હજારથી વધુ લોકોનો  કુદરતે ભોગ લીધો . કોરોના પણ આપત્તિ સમાન જ આવ્યો છે પણ તેમાં બચી શકાય તેવા સંયોગો માનવ પાસે હતા . ધરતીકંપ અચાનક આવેલી આફત હતી પણ કોરોના આ...
Read more

કચ્છને અલાયદું આપત્તિ વ્યવસ્થાપન તંત્ર અનિવાર્ય, ખરું ને ?

કચ્છ અને આપત્તિ બંને એકબીજાના પર્યાયમાં રહેતા આવ્યા છે 1956નો અઁજારને તહસનહસ કરનારો ભૂકંપ હોય કે એ અગાઉ 1819માં સિંધના પાણી વાળનારા અલ્લાહ બંધ વખતનો ધરતીકંપ. કોઈને કોઈ રીતે આ સરહદી જિલ્લાની નુકસાનકર્તા રહ્યા છે. કચ્છની તાસીર આપત્તિ અને અવસર વચ્ચે અટવાઈ ગઈ છે ત્યારે રાજ્ય સરકાર, જિલ્લા વહીવટી તંત્ર સતત ઉચાટમાં રહેતા હોય છે. તેનાથી વધુ દરિયા કિનારે રહેતા લોકો, માછીમારો, અગરિયાઓ અને ભૂકંપ ઝોન પાંચમા આવતા વિસ્તારોની સતત ચિંતા થવી એ સ્વાભાવિક બની રહ્યું છે. સમય સમયે સચવાઈ જતું હોય છે પરંતુ દરેક વખતે ઉચાટ કચ્છીઓએ સહન કરવો પડે છે. એક અલાયદા આપત્તિ વ્યવસ્થાપન તંત્રની અનિવાર્યતા સામે ઉભી છે.  મી એટલે કે વરસાદ કચ્છનું ઘરેણું છે અને એ ઘરેણું પહેર્યા વિના ચાલે તેમ નથી. મા નર્મદાના નીર મળ્યા પણ રાજકીય હેતુઓનું સાધ્ય પણ મળ્યું છે.  2001ના વિનાશકારી ભૂકંપ બાદ ૨૦૧૧ સુધી અવિરત અને ચોગરદમ થયેલી મેઘકૃપા થકી જિલ્લાવાસીઓ તરબતર રહેતા આવ્યા છે. સિંધુસાગર તો 1660ના અરસામાં વિલુપ્ત થઇ છે અને 1845 સુધી લખપતના લાલ ચોખાવાળા બંદરનો કારોબાર પણ ખોવાઇ ગયો હતો. ભૂતકાળના પડેલા દુકાળો એક તબક્કે ભુલાતા પણ આ...
Read more